கூகுளில் அதிகம் தேடப்பட்டவர் பட்டியலில் கத்ரினாவுக்கு முதலிடம்

 2011ம் ஆண்டில் கூகுள் இணையதளத்தில் அதிகம் தேடப்பட்டவர்கள் பட்டியலை கூகுள் நிறுவனம் இன்று வெளியிட்டது. இந்த பட்டியலில் முதல் இடத்தில் பாலிவுட் நடிகை கத்ரினா கைஃப்பும், அவரை தொடர்ந்து இரண்டாம் இடத்தில் தேசியவாதி அன்னா ஹசாரேவும் இடம்பெற்றுள்ளனர். இணையதளம் பயன்படுத்துபவர்களால் அதிகம் தேடப்பட்டவராக கத்ரினா முதல் இடத்தில் உள்ளார். இதே போன்று மக்களால் அதிவேகமாக தேடப்பட்டவர் பட்டியலில் அன்னா ஹாசாரே முதலிடத்தில் உள்ளதாக கூகுள் இணையதளம் தெரிவித்துள்ளது. இவரைத் தொடர்ந்து புகழ் பெற்ற மாடலான பூனம் பாண்டே உள்ளார். இதே போன்று செய்திகள் பிரிவில் அதிகம் தேடப்பட்ட செய்திகள் பட்டியலில் ஐபிஎல் கிரிக்கெட் போட்டிகள் முதலிடத்திலும், ஐந்தாவது இடத்தில் லோக்பால் மசோதாவும் உள்ளது. விளையாட்டு பிரிவில் அதிகம் தேடப்பட்டதாக உலகக் கோப்பை கிரிக்கெட்-2011 போட்டியாகவும், அதிகம் தேடப்பட்ட விளையாட்டு வீரர் சச்சினும் உள்ளனர். கூகுளில் அதிகம் தேடப்பட்ட பேஸ்புக்கும், வீடியோ பகிர்வு சேவையில் யூட்யூப் உள்ளது.