நான்காவது ஐ.பி.எல்., தொடரில் "கோடிகளின் நாயகனாக' இந்திய வீரர் கவுதம் காம்பிர் ஜொலிக்கிறார். நேற்று நடந்த ஏலத்தில் இவரை அதிகபட்சமாக 11.04 கோடி ரூபாய் கொடுத்து கோல்கட்டா நைட் ரைடர்ஸ் அணி வாங்கியது. இன்றும் ஏலம் தொடர்ந்து நடக்க உள்ளது.
இந்தியன் பிரிமியர் லீக் (ஐ.பி.எல்.,) சார்பில் கடந்த மூன்று முறை "டுவென்டி-20' தொடர் நடந்தது. நான்காவது தொடர் வரும் ஏப். 8ல் துவங்குகிறது. இதில், பங்கேற்கும் வீரர்களை தேர்வு செய்வதற்கான ஏலம் இரண்டு நாட்கள் நடக்க உள்ளது. நேற்று பெங்களூருவில் முதல் நாள் ஏலம் நடந்தது. இதில், சென்னை சூப்பர் கிங்ஸ், மும்பை இந்தியன்ஸ், பெங்களூரு ராயல் சாலஞ்சர்ஸ் உள்ளிட்ட 10 அணிகளின் நிர்வாகிகள் பங்கேற்றனர்.
இவர்களுடன் ஆலோசகர் மற்றும் பயிற்சியாளர்களாக உள்ள கும்ளே (பெங்களூரு), பிளமிங்(சென்னை), ஜெப் லாசன் (கொச்சி), டேரன் லேமன் (டெக்கான்) உள்ளிட்டோர் கலந்து கொண்டனர்.
ஒவ்வொரு அணியும் ரூ. 45 கோடி வரை செலவிடலாம், மும்பை, சென்னை அணிகள் சச்சின், தோனி, ரெய்னா, ஹர்பஜன் உள்ளிட்ட தலா 4 வீரர்களை தக்கவைத்துக்கொண்டதால், இவர்கள் ரூ. 20 கோடி வரை செலவிடலாம் என்ற விதிப்படி, நேற்று காலை 11 மணிக்கு ஏலம் துவங்கியது.
காம்பிருக்கு அதிகம்:
முதல் வீரராக இந்திய அணியின் இளம் வீரர் காம்பிர் ஏலத்தில் அறிவிக்கப்பட்டார். இவரை ஏலத்தில் எடுக்க புனே, மும்பை அணிகள் இடையே கடும் போட்டி நிலவியது. பின் திடீரென கோல்கட்டா அணி அதிக தொகைக்கு ஏலம் கேட்டு ரூ. 11.04 கோடி கொடுத்து, காம்பிரை தட்டிச் சென்றது.
கடந்த முறை நடந்த ஏலத்தில் இங்கிலாந்தின் பீட்டர்சன், பிளின்டாப் இருவருக்கும் தலா ரூ. 7.5 கோடிக்கு ஏலத்தில் எடுத்ததே, அதிக தொகையாக இருந்தது. இதை காம்பிர் நேற்று முறியடித்தார். கடந்த தொடரில் டில்லி அணியின் கேப்டனாக செயல்பட்ட காம்பிர், இம்முறை கோல்கட்டா அணியின் கேப்டனாக விளையாட உள்ளார்.
யூசுப்பிற்கு போட்டி:
இரண்டாவதாக "டுவென்டி-20' "ஸ்பெஷலிஸ்ட்' யூசுப் பதானுக்கும் போட்டி நிலவியது. கடைசியில் இவரையும் ரூ. 9.66 கோடி கொடுத்து கோல்கட்டா அணி வாங்கிச் சென்றது. இதே தொகைக்கு உத்தப்பாவை, புனே அணி ஏலத்தில் எடுத்தது.
யுவராஜ் குறைவு:
சமீபகாலமாக அனைத்து போட்டிகளிலும் சொதப்பி வரும் யுவராஜ் சிங்கிற்கு, இம்முறை ஏலத்தில் குறைவான தொகையே கிடைத்தது. இவரை மீண்டும் அணியில் ஏலத்தில் எடுக்க பிரித்தி ஜிந்தா கடும் முயற்சி செய்தார். ஆனால்<, புனே அணி ரூ. 8.28 கோடி கொடுத்து முதன் முறையாக யுவராஜ் சிங்கை ஏலத்தில் எடுத்தது.
கோடியான லட்சம்:
நேற்றைய ஏலத்தில் காம்பிர், யூசுப் பதான், ரோகித் சர்மா, உத்தப்பா போன்றவர்களுக்கு அடிப்படை விலையாக ரூ. 91 லட்சம் நிர்ணயிக்கப்பட்டு இருந்தது. ஆனால் ஏலத்தின் முடிவில் இவர்களுக்கு கோடிக்கணக்கில் கிடைத்தது. சமீபகாலமாக எந்த போட்டியிலும் பங்கேற்காத இர்பான் பதானுக்கு ரூ. 8.74 கோடி கிடைத்தது வியப்பாக இருந்தது.
ரூ. 6.90 கோடி:
இந்திய வீரர்களை அடுத்து வெளிநாட்டு வீரர்களில் அதிகபட்சமாக, இலங்கையின் ஜெயவர்தனாவுக்கு அதிகபட்சமாக ரூ.6.90 கோடி கிடைத்தது. இவரை கொச்சி அணி ஏலத்தில் எடுத்தது. ரூ. 5.06 கோடிக்கு தென் ஆப்ரிக்காவின் காலிசை, கோல்கட்டா வாங்கியது.
ஒரே அணியில்
ஹர்பஜன், சைமண்ட்ஸ்
பார்த்தாலே முறைத்துக் கொள்ளும் ஹர்பஜன் மற்றும் சைமண்ட்ஸ்(ஆஸி.,) இம்முறை மும்பை இந்தியன்ஸ் அணியில் இடம் பெற்றுள்ளது ஆச்சரியமான விஷயம். கடந்த 2008ல் இந்திய அணி ஆஸ்திரேலியா சென்ற போது சைமண்ட்சை "குரங்கு' என ஹர்பஜன் திட்டியதாக பெரும் சர்ச்சை எழுந்தது. கடந்த மூன்று ஐ.பி.எல்., தொடர்களில் டெக்கான் சார்ஜர்ஸ் அணிக்காக சைமண்ட்ஸ் விளையாடினார். மும்பை அணி இம்முறை ஹர்பஜனை தக்க வைத்துக் கொண்டது.
நேற்றைய ஏலத்தில் "டாப்-10' வீரர்கள்:
1. காம்பிர் (கோல்கட்டா) ரூ. 11.04 கோடி
2. யூசுப் பதன் (கோல்கட்டா) ரூ. 9.66 கோடி
3. உத்தப்பா (புனே) ரூ. 9.66 கோடி
4. ரோகித் சர்மா (மும்பை) ரூ. 9.07 கோடி
5. இர்பான் பதான் (டில்லி) ரூ. 8.74 கோடி
6. யுவராஜ் சிங் (புனே) ரூ. 8.28 கோடி
7. சவுரப் திவாரி (பெங்களூரு) ரூ. 7.25 கோடி
8. ஜெயவர்தனா (கொச்சி) ரூ. 6.90 கோடி
9. டேவிட் ஹசி (பஞ்சாப்) ரூ. 6.35 கோடி
10. ஸ்டைன் (டெக்கான்) ரூ. 5.44 கோடி
போலிஞ்சரை தக்கவைத்த சென்னை
கடந்த 2010ல் நடந்த மூன்றாவது ஐ.பி<.எல்., தொடரில் சென்னை அணி கோப்பை வெல்ல முக்கிய காரணமாக விளங்கியவர் போலிஞ்சர் (ஆஸி.,). நேற்றைய ஏலத்தின் போது இவரை அணியில் எடுக்க, பெங்களூரு, சென்னை இடையில் கடுமையான போட்டி நிலவியது. இறுதியில் சென்னை அணி ரூ. 3.18 கோடி கொடுத்து, மீண்டும் போலிஞ்சரை தக்கவைத்தது.
முதல் நாளில் தேர்வானவர்கள்
நேற்று நடந்த நான்காவது ஐ.பி.எல்., தொடரில் 72 வீரர்கள் ஏலத்தில் தேர்வு பெற்றனர். மொத்தம் 10 அணிகளில், முதல் நாளில் தேர்வு பெற்ற வீரர்கள் விபரம்:
சென்னை சூப்பர் கிங்ஸ்
வீரர் தொகை
அஷ்வின் ரூ. 3.86 கோடி
பத்ரிநாத் ரூ. 3.63 கோடி
போலிஞ்சர் ரூ. 3.17 கோடி
மைக்கேல் ஹசி ரூ. 1.93 கோடி
பிராவோ ரூ. 91 லட்சம்
சகா ரூ. 45 லட்சம்
டெக்கான் சார்ஜர்ஸ்
வீரர் தொகை
ஒயிட் ரூ. 4.99 கோடி
சங்ககரா ரூ. 3.17 கோடி
பீட்டர்சன் ரூ. 2.95 கோடி
பிரக்யான் ஓஜா ரூ. 2.27 கோடி
இஷாந்த் சர்மா ரூ. 2.04 கோடி
அமித் மிஸ்ரா ரூ. 1.36 கோடி
டுமினி ரூ. 1.36 கோடி
சிகர் தவான் ரூ. 1.36 கோடி
டில்லி டெர் டெவில்ஸ்
வீரர் தொகை
டேவிட் வார்னர் ரூ. 3.40 கோடி
மார்னே மார்கல் ரூ. 2.15 கோடி
ஜேம்ஸ் ஹோப்ஸ் ரூ. 1.59 கோடி
ஆரோன் பின்ச் ரூ. 1.36 கோடி
நமன் ஓஜா ரூ. 1.23 கோடி
கிங்ஸ் லெவன் பஞ்சாப்
வீரர் தொகை
கில்கிறிஸ்ட் ரூ. 4.08 கோடி
தினேஷ் கார்த்திக் ரூ. 4.08 கோடி
பியுஸ் சாவ்லா ரூ. 4.08 கோடி
அபிஷேக் ரூ. 3.63 கோடி
பிரவீண் குமார் ரூ. 3.63 கோடி
பிராட் ரூ. 1.81 கோடி
ஹாரிஸ் ரூ. 1.48 கோடி
கொச்சி
வீரர் தொகை
முரளிதரன் ரூ. 4.99 கோடி
ஜடேஜா ரூ. 4.31 கோடி
ஸ்ரீசாந்த் ரூ. 4.08 கோடி
ஆர்.பி.சிங் ரூ. 2.27 கோடி
பிரண்டன் மெக்கலம் ரூ. 2.15 கோடி
ஹாட்ஜ் ரூ. 1.93 கோடி
லட்சுமண் ரூ. 1.81 கோடி
பார்த்திவ் ரூ. 1.32 கோடி
ஸ்டீவன் ஸ்மித் ரூ. 91 லட்சம்
ரமேஷ் பவார் ரூ. 82 லட்சம்
கோல்கட்டா நைட் ரைடர்ஸ்
வீரர் தொகை
காலிஸ் ரூ. 5.06 கோடி
மனோஜ் திவாரி ரூ. 2.15 கோடி
சாகிப் அல் ஹசன் ரூ. 1.93 கோடி
பிரெட் லீ ரூ. 1.81 கோடி
மார்கன் ரூ. 1.59 கோடி
ஹாடின் ரூ. 1.48 கோடி
மும்பை இந்தியன்ஸ்
வீரர் தொகை
சைமண்ட்ஸ் ரூ. 3.86 கோடி
டேவே ஜேக்கப் ரூ. 86 லட்சம்
பிராங்ளின் ரூ. 45 லட்சம்
புனே வாரியர்ஸ்
வீரர் தொகை
மாத்யூஸ் ரூ. 4.31 கோடி
நெஹ்ரா ரூ. 3.86 கோடி
ஸ்மித் ரூ. 2.27 கோடி
பெர்குசன் ரூ. 1.36 கோடி
பெய்னே ரூ. 1.22 கோடி
நாதன் மெக்கலம் ரூ. 45 லட்சம்
ராஜஸ்தான் ராயல்ஸ்
வீரர் தொகை
ரோஸ் டெய்லர் ரூ. 4.53 கோடி
போத்தா ரூ. 4.31 கோடி
டிராவிட் ரூ. 2.27 கோடி
கோலிங்வுட் ரூ. 1.13 கோடி
ராயல் சாலஞ்சர்ஸ் பெங்களூரு
வீரர் தொகை
டிவிலியர்ஸ் ரூ. 4.99 கோடி
ஜாகிர் கான் ரூ. 4.08 கோடி
புஜாரா ரூ. 3.17 கோடி
நான்ஸ் ரூ. 2.95 கோடி
தில்ஷன் ரூ. 2.95 கோடி
வெட்டோரி ரூ. 2.49 கோடி
No comments:
Post a Comment